Nüsha-i mümtazemizin hin-i tertibinde lutf-ı muavenetlerine müracaat eylediğimiz meşahir-i erbab-ı kalem ve sanat tarafından gördüğümüz teveccüh ve himmetin cidden minnettarıyız. Cümlesine takdim-i teşekkürat eyler ve bu meyanda Viyana resm-i levhaları fabrikatörü Mösyö En[…]’in dahi nüsha-i mümtazemiz resimleri için fiyat-ı mukarrere üzerinden yüzde elli tenzilat icra ederek ibraz-ı müessir-i fütüvvet ve hakkımızda irae-i muhabbet etmiş olduğunu kemal-i memnuniyetle ilan ederiz.

Nüsha-i mümtazemiz iane sergi-i alisi komisyonunun mezuniyeti ve maarif nezaret-i celilesinin ruhsatnamesi ile tab olunmakta olup beminnehulkerim gelecek pazartesi günü neşrolunacaktır.

Nüsha-i mümtazemiz, Servet-i Fünûn’un nısfı hacminde ve takriben yüz elli sayfadan müteşekkil olacak, elliyi mütecaviz tesavir-i nefiseyi de havi bulunacaktır. Nüshayı iki nevi kâğıt üzerine tab eyliyoruz; birinci nevi kâğıtlısına on beş ve ikinci nevi kâğıtlısına on kuruş fiyat vaz edeceğiz. Taşradan arzu edenler beher nüshaya iki kuruş posta ücreti ilave etmelidir.

Posta pulu kabul olunur.

İştira eden zevat-ı kiramın esamisi ber-mutad ilan kılınacağı gibi nüshaları dahi postane-i amirenin itina-yı mahsusu ile ve kemal-i takayyütle gönderilecektir.

Girit muhtacin-i İslamiyesi için Tercüman-ı Hakikat refikimizle müştereken neşr eylediğimiz nüsha hakkında kariin-i kiramımız tarafından ibraz buyurulan tergibat ve teşvikat-ı mahsusanın evlad-ı şüheda ve malulin-i guzat-ı Osmaniye menfaatine intişar edecek olan işbu nüsha-i mümtazemiz için dahi – maziyadetin – tecelli eyleyeceğinden emin bulunuyoruz.

Nüsha-i mümtazemiz hakkında vilayet-i şahaneden pek çok eser teveccüh ve rağbet irae olunarak şimdiden hayli zevat iştirak eylemiş olduğundan bugünkü nüshamızın kısm-ı siyasisinde lütfen nüsha-i mümtazeden iştira eden zevatın esamisi ilan edilmeğe başlanmıştır.

Peyderpey yazılacak zevat-ı kiramın esamisi gazetemizde ilan edileceği gibi nüshalar yevm-i intişarında hemen postaya tevdi kılınacağından irsalatta kat’a teehhür ve adem-i intizam müşahede olunmayacaktır.

(…)

Servet-i Fünûn’un Nüsha-i Mümtazesi yazısı ilk önce Servet-i Fünun Dergisi üzerinde ortaya çıktı.

Hasılatı evlad-ı şüheda ve malulin-i guzat-ı Osmaniye’ye mahsus olmak üzere ceride-i acizanemiz tarafından bir nüsha-i mümtaze tabına mübaşeret edildiğini yazmıştık. Nüsha-i mümtazemiz eazım-ı üdeba ve meşahir-i muharririnin bilhassa kaleme aldıkları otuz parçaya karib manzum ve mensur eserden müteşekkil bulunuyor. İşbu asar-ı nefiseye mahsus olarak tersim ve hakkettirilen levhaların dahi mükemmeliyetine fevkalade itina edilmekte olduğundan nüsha-i mümtazemiz bihakkın enafis-i asardan madut olacaktır demekte tereddüt etmeyiz.

Nüsha-i mümtazemiz iane sergi-i alisi komisyonunun mezuniyeti ve maarif nezaret-i celilesinin ruhsatnamesi ile tertip edilmiş ve tab ve temsili reşide-i hadd-i hitam olmuş olup ancak beher nüshanın kable’l-intişar komisyon-ı ali canibinden mühürlenmesi lazım geldiğinden emr-i tahtim-i bi’l-ifa önümüzdeki hafta tevziine başlanılacaktır.

Nüsha-i mümtazemiz, Servet-i Fünun’un nısfı hacminde ve takriben yüz elli sayfadan müteşekkil olacak, elliyi mütecaviz tesavir-i nefiseyi de havi bulunacaktır. Nüshayı iki nevi kâğıt üzerine tab eyliyoruz; birinci nevi kâğıtlısına on beş ve ikinci nevi kâğıtlısına on kuruş fiyat vaz edeceğiz. Taşradan arzu edenler beher nüshaya iki kuruş posta ücreti ilave etmelidir.

Posta pulu kabul olunur.

İştira eden zevat-ı kiramın esamisi ber-mutad ilan kılınacağı gibi nüshaları dahi postane-i amirenin itina-yı mahsusu ile ve kemal-i takayyütle gönderilecektir.

(…)

Nüsha-i mümtazemizin aded-i matbuu evvelce de ilan edildiği üzere iki bin nüshadan ibaret olup bunun fevkalade olarak yüz adedine kırk ve yüz adedine yirmi kuruş fiyat vazı sonradan tensip olunarak, kalan bin sekiz yüz nüshanın beş yüz adedine on beş ve bin üç yüz adedine ise yalnız on kuruş fiyat konulduğundan nüshaların kâffesinin sarfı halinde – ki bunu mürüvvet-i kariinden her halde ümit eyliyoruz – yirmi altı bin beş yüz kuruşa karip bir meblağ hâsıl olacak demektir. Tertibiye, tabiye, kâğıt ve resimler masarifi – ki bu da nüshamızın hin-i neşrinde müfredatıyla ilan olunacaktır – takriben dört bin kuruşa baliğ olmakta olduğundan iane sergi-i âlisi menfaatine yirmi iki bin kuruş kadar bir para toplamış olacağız.

İhtira-ı Mahsus yazısı ilk önce Servet-i Fünun Dergisi üzerinde ortaya çıktı.

“Nüsha-i mümtaze” arz ve ilanımız veçhile hazırlanmış olup bugün komisyona tahtim ettirilerek biminnehilkerim önümüzdeki cumartesi gününden itibariyle tevziine başlanacağından iştirasını arzu buyuracak mürüvvet-mendan-ı nefais-pesendanın idarehanemize müracaat etmeleri ihtar olunur.

Nüsha-i mümtazemiz -evvelce de yazıldığı üzere- Servet-i Fünûn’un nısfı hacminde yüz altmış bu kadar sayfadan müteşekkil ve eazım-ı üdeba ve meşahir-i muharririnimizin bilhassa kaleme aldıkları manzum ve mensur otuz iki parça eser ile otuzu mütecaviz tasviri ve resimli güzel bir kapakla müze müdür-i bedayi-perveri atufetlü Hamdi Beyefendi hazretlerinin mahsusen ihda buyurdukları krokiden hakkettirilip ayrıca ilave edilen levha-i nefiseyi şamil olarak şerait-i iştirası ber-veçh-i atidir:

100 adedi:   beheri 40 kuruştan

100    ″ :    ″ 20      ″

500    ″ :    ″ 15      ″

1300  ″   :      ″ 10   ″

2000 yekûn    26.500 yekûn

(…)

Nüsha-i mümtazemizin tertibiye, tab’iye, kâğıt, resim vesaire masarifi şundan ibarettir.

Kuruş

1538    On iki forma kitabın tertibiye ve tab’iyesi

1057    İstimal olunan evsat kâğıt, 36 top

659      İstimal olunan âlâ beyaz kâğıt, 12 top

215   İstimal olunan fevkalade cinsinden kapak kâğıdı

675      Angerer fabrikasına [Angerer Göschl Fabrikası] yaptırılan resimler  

        -bedeli yüzde elli tenzil ile-

110   İlave resmin bedeli

90   Ressama verilen

80   Serlevhaların masarif-i hakkiyesi

140   Masarif-i teclidiye

4564    yekûn

Münderecat: 

Asar                                                                              Ashab-ı Asar

İfade-i Mahsusa ve Arz-ı Şükran

Benimle İshak (Manzum)                                            Mihrünnisa

Askerlik – Osmanlılık                                                 Recaizâde M. Ekrem

Hediye-i Sal (Manzum)                                              Abdülhak Hamid

Bir Yunan Generalinin Tefekkürât ve Tahayyülâtı    Sâmi Paşazâde Sezâi

Kırmızı Merkuplar (Manzum)                                    Recaizâde M. Ekrem

Bir Şiir-i Siyasi                                                           Mefharî

Vasiyet (Manzum)                                                      A. Nâdir

Yeni Edebiyat-ı Cedide                                              Menemenlizâde Tahir

Fırtına (Manzum)                                                        H. Nâzım

Osman                                                                         Uşşâkîzâde Halid Ziya

Kamere Hitap (Manzum)                                            İsmail Sâfa

Nakiye Hala                                                                Ahmed Hikmet

Elhan-ı Şita (Manzum)                                               Cenab Şahabeddin

Şiir Hakkında                                                              H. Nâzım

Atadan Avdette (Manzum)                                         Süleyman Nesib

Say ve İktisat                                                              Meclis-i Maarif Azasından Hikmet

Osmanlılık’ta Askerlik                                               Yaveran-ı Hazret-i Şehriyariden Ali Rauf

Makri Köyü ve Müteverrimler                                   Doktor Bafralı Yanko

Buvadamur’da [Boulevard d’amour] (Manzum)       Hüseyin Suad

Şefkat H. Nazım Ayşecik (Manzum)                            Sîret

Osmanlılar’da Muhabbet-i Vataniye                            Nejat Ekrem

Yakazat-ı Leyliye                                                      Cenab Şahabeddin

Milona’dan Geçerken                                                 Rüştü Necdet

Ordu-yı Humayun’da Bir Şair (Manzum)                  Abdülhak Hamid

Denizde                                                                       Mehmed Rauf

Bir Buse-i Masum (Manzum)                                     H. Nâzım

Topal                                                                           H. Cahit

Ebedi Bir Gece (Manzum)                                          H. Nâzım

Eytam-ı Şühedaya                                                       Cenab Şahabeddin

Hasan’ın Gazası (Manzum)                                        Tevfik Fikret

Tarihçe-i Meslek                                                        Ahmed İhsan

Servet-i Fünûn’un Nüsha-i Mümtazesi yazısı ilk önce Servet-i Fünun Dergisi üzerinde ortaya çıktı.

(…)

Evlad-ı şüheda ve malulin-i guzat-ı Osmaniye menfaatine Servet-i Fünûn’un tertip eylediği nüsha-i mümtazeyi lütfen iştira buyuran zevat-ı kiramın esamisi kısm-ı resmîmize neşir ve ilan edilmektedir.

İhtar-ı Mahsus yazısı ilk önce Servet-i Fünun Dergisi üzerinde ortaya çıktı.

Hasılatı, evlad-ı şüheda ve malulin-i guzat-ı Osmaniyeye mahsus olmak üzere ceride-i acizanemiz tarafından bu defa bir nüsha-i mümtaze tertip ve tabına mübaşeret olundu. Nüsha-i mümtazemiz eazım-ı üdeba ve meşahir-i muharirinin bilhassa kaleme aldıkları 30 parçaya karib manzum ve mensur eserden müteşekkil bulunuyor.

İhtar-ı Mahsus yazısı ilk önce Servet-i Fünun Dergisi üzerinde ortaya çıktı.