“Heyet-i Cedide-i Maliye”

Umur-ı Maliye-i Osmaniyenin bir kat daha tanzim-i idaresi cümle-i amal-i kemalat-ı iştimal-i hazret-i padişahiden bulunduğu cihetle bu defa maliye nezareti celilesi erkânınca bir tebeddül-i mühim icra buyurularak umur-ı mühimme-i maliyenin hüsn-i temşiti cidden bu emr-i mühimde sahib-i vukuf ve malumat bulunan zevat-ı aliyeye tefviz buyurulmuştur ki şu muvafffakiyet-i seniyyenin ifa-yı şükranı hakikaten  na-kabildir. Servet-i Fünûn dahi riyaset-i umur-ı maliyeye gelen zevat-ı kiramın elde edebildiği tasvirleri ile tezyin-i sahife etmiş olduğundan dolayı cidden müftehirdir.

(…)

Haşmetlü Almanya İmparatoru ve İmparatoriçesi hüzeratının payitaht-ı saltanat-ı seniyyeyi ve Suriye’yi ziyaretlerine müteallik kırk parça tesavir ile müzeyyen bir mecmua-i nefisedir.

İmparator ve İmparatoriçe hüzeratının tasvirleriyle Dersaadet’in bazı menazır ve mebanisini ve Suriye kıtasına ait elvah ve tesaviri muhtevi bulunan bu panoramanın fiyatı Dersaadet için “60” para ve taşra için “2” kuruştur.