[Geçen nüshadan mabad ve hitam]

“Sevkiyat-ı Askeriye”

Sevkiyat-ı askeriyeye müteallik resimleri kemal-i süratle pişgâh-ı kariine yetiştirmiş olmak üzere Muratlı’da bulunan ressam muhabirimizden mevrut fotografileri derhâl hakkettirip iki haftadır gazetemizde derç eylediğimiz gibi bu hafta dahi harekete müheyya bir müfreze-i askeriye ile bir askerî katarı ve zaman-ı azimetlerindeki zevk ve sürurlarından oyunla meşgul olan neferatı irae eden üç resimle tezyin-i sayfa eyledik.

“Girit Vakayii”

Girit’in abluka altına alındığından sonra hudud-ı muayyeneyi tecavüz ederek birtakım eşya-yı memnua ithaline mütecasser olan sefain-i Yunaniye’ye karşı düvel-i muazzama süfün-i harisesi tarafından muamele-i şedide icra kılınmakta olduğu gazetemizin havadis kısmında yazılmaktadır.

(…)

Muharriri: Uşşakizade Halit Ziya

[273 numaradan beri mabad ve hitam]