Kuva-yı tabiiyeden istifade etmek ciheti erbab-ı fen ve tecrübenin beş on seneden beri pek ziyade nazar-ı dikkatini celbetmiş ve fünun ve sanayinin tetkikatı ve makinelerin tekemmülatı bu istifadeyi daire-i imkâna idhal ederek bu yolda büyük büyük teşebbüsler de vuku bulmuştur. Şimdiye kadar kuva-yı tabiiyeden istifade edilmemiş değildir. Belki buhar makineleri icat olunmadan ve bu vasıta ile elde edilen kuvvet bir intizam-ı fevkalade altına alınmadan evvel âlem-i insaniyetin kuvvet cihetiyle istifadesi buna münhasır kalmıştır. Cesim makinelerle işleyen değirmenlerden evvel insanlar akvat-ı yevmiyelerini teşkil eden buğdayı yel değirmenlerinde öğütürler, cesim vapurlar meydana gelmeden evvel rüzgârdan istiane ederek gemilerini yelkenle yürütürlerdi. Makineler devrinde ise bu külfetlere hacet görülmeyerek kuva-yı tabiiyeden istifade imhal olundu. (…)

Musahabe-i Fenniye yazısı ilk önce Servet-i Fünun Dergisi üzerinde ortaya çıktı.

İhtimal! Daha nelere ihtimal veriyorlar. İtalyalı Markoni [Guglielmo Marconi] isminde birinin arada havadan başka bir vasıtaya ihtiyaç görmeden muhabereye imkân veren bir telgraf icat ettiği, ortadan telleri kaldırdığı bir iki ay evvel ilan edilince herkes izhar-ı hayret etmişti. Markoni’nin icadı adi bir oyuncak olmayıp bazı hususatta hizmet-i ciddiye ifa edebilecek bir mühim alet olduğu ve hele esna-yı harpte donanmalar arasında yahut donanma ile sahil beyninde pek güzel bir vasıta-i muhabere olacağı teslim olundu. (…)

Musahabe-i Fenniye yazısı ilk önce Servet-i Fünun Dergisi üzerinde ortaya çıktı.