“Tahran’da Devlet-i Aliye-i Osmaniye Sefarethanesi”

Saltanat-ı seniyye-i Osmaniye’nin düvel-i ecnebiye payitahtlarında kâin sefarethanelerinin ve memurin-i kiramın menazır ve tesavirini birer birer elde ederek pişgâh-ı karin-i kirama vazetmeyi arzu eyledik. Bu arzumuzun icrası tabii olarak süfera-yı kiram huzeratının muavenat-ı mahsusa-i maarifperverilerine vabeste olduğu cihetle bu bapta Servet-i Fünûn lazım gelen müracaatları icra etmişti. Müracaat-ı vakıamız semeresi olmak üzere üç dört meşhur şehirde kâin Osmanlı sefarethaneleriyle memurin-i kiramın resim ve tasviri dest-i iftiharımıza vasıl oldu, derhâl destgâh-ı hakka verdik, bunlardan Tahran’da kâin sefaret-i Osmaniye’nin iki manzarasını işbu nüshamıza derç eyleyerek destres oldukça sahife-i tasvir ve iftihara almak istediğimiz “Sefarat-ı Osmaniye” tesaviri külliyatına mübaşeret etmiş oluyoruz. (…)

“Büyük Kuyruklu Bir Koyun”

Her kaidenin bir istisnası olduğu gibi uzviyet-i hayvaniye de bile teşkilat-ı tabiiye bazen istisnalar göstermekte bulunmuştur. Silsile-i hayvanatta ara sıra cins ve nevinden ve şekl-i tabiiden hariç garibeler tesadüf olunur. Bu nüshamızda resmi münderiç olan koyun bir garibe addolunamasa bile taşıyamayacağı derecede cesim ve ağır olan kuyruğu şayan-ı hayrettir. Anadolu’da ve vüsta-yı Asya’da Karaman ve bu cinse mensup koyunlarda pek büyük kuyruklar nadiren görülmektedir. (…)

Resimlerimiz yazısı ilk önce Servet-i Fünun Dergisi üzerinde ortaya çıktı.

Berlin sefaret-i seniyyesine tayin buyuruldukları bu nüshamızın tevcihat kısmında muharrer olan Viyana sefir-i kebiri atufetlü Galip Beyefendi hazretlerinin bir kıta-i tasvirleri sahife-i iftihara derç olunuyor. (…)

(Viyana’dan Berlin’e atanan konsolos Galip Bey yabancı devletlerden de nişanlar almış ve kendisi ile ilgili kısaca bilgi verilmiştir.)

“Dördüncü Ordu Manzaralarından”

Saye-i terakkiyat-vaye-i cenab-ı padişahide dördüncü ordu-yı hümayun merkezi Erzincan’da vücuda getirilen birçok müessesat-ı mühimme-i askeriyeyi Servet-i Fünûn’da peyderpey derc-i sahife-i iftihar etmiştik. Bu defa dahi müteferrık surette pişgâha vaz edilmiş olan ebniye ve müessesatın manzara-i umumiyesini irae eyliyoruz ki Erzincan’a bir saat mesafede Kurutilek nam mahalde müceddeden inşa olunan esliha-i hafife ambarıyla muhafazasına mahsus karakolhaneyi ve dördüncü ordu-yı hümayun müşiri devletlü Mehmet Zeki Paşa hazretlerinin yetiştirmiş oldukları suni ormanın bir cihetini ihtiva eder. İşbu resim dahi ordu fotoğrafhanesinin bir fotoğrafından hakk olunmuştur.

“Merhum Hüseyin Hâkî Efendi”

Şirket-i Hayriye müdürü Hüseyin Hâkî Efendi merhumun vefatıyla tercüme-i hâlini geçen nüshamızın vefeyat kısmında yazmıştık. Bugün dahi bir kıta-i tasvirlerini derç eyliyoruz. (…)

“Kombari Efendi”

Rasathane-i amire müdürü Kombari Efendi’nin vefatını dahi geçen nüshamızda bildirmiş olduğumuz cihetle müteveffa-yı mumaileyhin bir kıta-i resmini bugün derc-i sahife eyliyoruz. (…)

Resimlerimiz yazısı ilk önce Servet-i Fünun Dergisi üzerinde ortaya çıktı.

Bulgaristan Prensliği ve Rumeli-i Şarkî Vilayeti Valiliğine nasp ve tayin buyrulmuş olmasından dolayı hak-i pay-i şevket-i ihtiva-yı Hazret-i Padişahîye arz-ı teşekkür ve ubudiyet eylemek üzere bugün Dersaadet’e muvasalatı mukarrer bulunan fehametlü Prens Ferdinand Hazretleri’nin bir kıta resimlerini pişgah-ı mütaliin-i kirama arz eyliyoruz. Müşarunileyh Hazretlerinin tercüme-i halleri ve şehrimize suret-ı vürud ve kabulleri kısm-ı siyasimizde münderiçtir.

“Bursa’da Yeni Çeşme”

Varit olan bir mektuptan muhreçtir: Geçende Bursa’ya gitmiştim. Hava bozuldu, Lodos’a tahavvül etti. Ortalık karmakarışık oldu. Mübalağaya hamlolunmasın! Bursa’nın Lodos’u İstanbul’unkine benzemiyor. Damlarda ne kadar kiremit varsa sokaklara savuruyor. Çarşıda ateşle iş gören esnaf bu müddette ateş yakmıyor. Havanın şu tahavvülünden bir yere çıkamadım. Birkaç gün sonra güneş açtı, etrafa bir letafet saçtı. Ben de sevindim. İlk ziyaret edişim Yıldırım tabeserahu Hazretlerinin hayrı olan Ulu Cami-i Şerif oldu. Bir de ne göreyim? Avluda cari iki şadırvanın arasında Arap fenn-i mimarisinden gayet güzel bir çeşmeden ma-i hayat gibi bir ab-ı safi revan ve içinde de bir fıskiye zülal-feşandı. Nazar-ı dikkatime çarpan bu çeşme-i dilara cephesinde:

                                Hazret-i Abdülhamid’e celp için hayr-ı dua

                                Ulu Camii avlusunda tarhına ettim kıyam

                                Hasbeten lillah münir bu çeşmenin tarihi

                                Geldiler Kırklar dediler kân-ı misk-ül-hitam

                                                                    1313

kıta-i tarihiyesini gördüm, bu eser-i hayrın vali-i âliyyü-l vilayet devletlü Münir Paşa Hazretlerinin olduğunu anladım.

Sağında: “Bu çeşme suyunun daimiyü-l cereyan olması arzusuyla sahib-i hayr tarafından ittihaz kılınan tedbir ledel-iktiza müracaat olunmak üzere Bursa mahkeme-i şeriyesine tebcil edilmiştir.”, solunda: “Hüdavendigâr valisi Münir Paşa’nın hayratıdır.” ibarelerini okudum. Müşarunileyh hazretleri ile teşerrüf ettiğimde şehri şöyle güzel bir eserle tezyin ettiklerine teşekkür ettim. Nasıl olup da yapıldığını anladığım zaman sevincim dübalâ oldu.

Bursa’ya cari sulardan bu suya karib bir mevkide iyi su olduğunu suyolcu gelip ihbar eder, Vali Paşa Hazretleri de yedi masra kadar olan bu suyun diğer suya ilavesine ve evvelce ara sıra ilave edilen birçok masra kireçli suyun ayrılmasına himmet buyururlar ve şehirde ayrıca dört çeşme yaparlar. Bu sudan bir lülesini şimendifere verirler ki evvelce Pınarbaşı suyunu istimal eden ve bu kireçli su sebebiyle kazanları kireç tutup yanarak yolda kalan trenin bundan sonra bu gibi arızalara düçar olmayacağı ve Mayıs’ta Bursa’ya gidenlerin kemal-i safa ve rahat ile gidip gelebileceği de temin kılınmıştır.

“Marki De Rudini” [Antonio Starabba, Marchese di Rudinì]

Habeşistan hezimeti üzerine mevki-i iktidardan düşen Krispi kabinesinden sonra İtalya’da yeni heyet-i vükelayı teşkil eden Marki de Rudini tasvirlerini gördüğünüz zattır.

Palermo hanedanından olan Marki Antonyo de Rudini altmış yaşını tecavüz eylemiştir.

İtalya’nın halihazırda duçar olduğu mevki –ki siyaseten, malen ve manen pek naziktir- hakikaten şayan-ı dikkat addolunuyor. Marki de Rudini gibi metin bir zatın res-i idareye gelmesi dahi endişe-i umumiyi pek ziyade teskin etmiştir. (…)

“Jenaral Baldisara” [General Baldissara]

İtalyanın Habeşistan ordusu yeni kumandanı Jenaral Baldisare Venisya’da [Venedik] Odeni’de tevellüt etmiş ve pek çok hidemat-ı nafiası görülmüş askerlerdendir. Kendisinden intizar olunan hizmet menelik ile akd-i müsalaha ve İtalya’nın Afrika müstemlekâtını ıslah olduğundan mütearif olan bahadırlığını irae edecek fırsat bulamayacaktır zannolunuyor.

Resimlerimiz yazısı ilk önce Servet-i Fünun Dergisi üzerinde ortaya çıktı.

Bu Defa Londra Sefaret-i Seniyyesi Müsteşarlığına Tahvil-i Memuriyet Buyuran Fahrü’l-üdeba Atufetlü Abdülhak Hâmid Beyefendi Hazretleri yazısı ilk önce Servet-i Fünun Dergisi üzerinde ortaya çıktı.