-2-

Zahire Fiyatı – İhracat İkramiyeleri

Bundan evvelki musahabede [1] hükümetlerin zahire fiyatını tadil için ittihaz ettikleri tedbirlerden ikisini mevzubahis etmiştik. Şimdi bir üçüncü tedbiri tetkik edeceğiz ki o da zahire ihracatının ikramiyelerle teşvikidir.

Bu tedbirin kaht olmadığı seneler meriyeti halinde kaht vukuuna meydan vermeyeceği ve bununla beraber zürranın istifadesini de mucip olacağını iddia edilmiştir. Vakıa, zahire ihraç edenlere ikramiye namıyla para verilmek usul ittihaz olununca memlekette zahire ihracatı çoğalacağı ve tüccarın zürradan zahire iştirasına rağbetleri de o nispette tezayüt edeceği cihetle zahire zerine mahsus olan arazinin miktarı tekessür edeceğinden bu tedbir, zürra için menfaatli görünür.

(…)