-7-

Mütalaat-ı Meşahir

Lahey Sulh Konferansı müzakerat ve mukarreratına methal olmak üzere yazılan şu silsile-i makalatta şimdi “Beşeriyet-i Cedide” mecmuasının efkâr-ı meşahiri istihraç ederek neşr ettiği nüsha-i mahsusa münderacatından biraz bahsetmek sırası geldi.

Beşeriyet-i Cedide Mecmuası, milel-i muhtelifeye mensup olarak yüz yirmi ikisi erkek, on altısı kadın olmak üzere yüz otuz sekiz rey toplamıştır. Sorduğu sualler şundan ibaretti:

(…)

Darülmuallimin ilm-i servet muallimi Mehmet Cavit Beyefendi biraderemiz tarafından bu unvan ile yazılan eser-i müfit ahiren mevki-i intişara vaz olundu.

Mehmet Cavit Bey mekteb-i mülkiyenin en kemalli bir devre-i feyzinde yetişen ezkiya-yı muktediredendir. Daima ciddiyatla mütevaggil olan fikir ve kaleminden böyle müfit ve mühim pek çok asara intizar edilirdi; bu kitabı mübahis-i iktisadiye hakkında en son nazariyeleri havi olan müellifattan iktibas edilerek vücuda getirilmiş ve silsile-i münderecatına memleketimize ait birçok tafsilat ve malumat derç ve ilave edilmiştir.

(…)