-2-

Pol Margrit [M. V. Marguetritte] ve Gabriel Danunçiyo [M. Gabriel d’Anunzio]

-Af Nazariyesi-

Romanların efkâr ve ahlak-ı umumiye üzerinde tesiratı var mıdır, yok mudur? Bu muhtelifunfih bir mesele-i içtimaiyedir. Zaten mesail-i içtimaiyenin hangisinde ittihat-ara vardır ki bunda da olsun. “Sanat için sanat” nazariyesini kabul eden hikâye-nüvisan nazarında romanların tesirat-ı ahlakiye ve içtimaiyesi mevzubahis edilmeye şayan bile görülmez çünkü ulviyet-i sanat bu gibi adiyat ile uğraşamaz. Fakat şurasını itiraf etmeli ki bu kaideyi mutlak surette bir düstur-ı edebi ittihaz edenlerin adedi gittikçe tenakus ediyor. Hâlbuki bir zamanlar sanat için sanat nazariyesi mütefekkirini ne kadar ihtirasata düşürmüştü. Taraftaranı bu nazariyenin bir vesika-i katiye-i edebiye suretinde kabulü için bütün hiddet-i zekâlarını, amik-i nazariyelerini, metanet-i azimlerini sarf etmişlerdi.

(…)

“Zıya-ı Müessif”

Müşiran-ı azamdan Anadolu vilayat-ı şahanesi müfettişi Şakir Paşa’nın Cuma günü sabahı saat on raddelerinde Sinop’ta irtihal-i dar-ı beka eylediği vasıl-ı sem-i teessüf olmuştur.

Merhum müşarunileyh yedi günden beri Sinop’ta bulunuyordu. İki gün evvel Dersaadet’te bulunan ailesine varit olan telgrafnamede hastalandığı işar edilmişti. Müşarunileyh saltanat-ı seniyye-i Osmaniye’nin eazım-ı erkân-ı askeriye ve siyasiyesindendi. Vefatı memleketimiz için bais-i telehhüf zayiat-ı azimedendir.

Tercüme-i Hali:

(…)