-2-

Toprak

Üzerinde yaşamakta olduğumuz toprağın yüz binlerce senelerden beri uğramakta olduğu tahavvülat ve tebeddülat-ı azime netayicinden olarak evvelce mayi halinde iken bilahare tekasüf ede ede ince ince zar gibi bir takım tabakat şeklinde kabuk bağladığı ve mürur-ı zamanla ziraata elverişli olan şu gördüğümüz toprakların teşekkül eylediği ilmülarz uleması tarafından keşif ve tahmin olunmakta olup hatta bu tekasüfün küre-i arzın merkezine doğru daima dahilen kalınlaşmak lazım geldiği dahi delail ve nazariyat-ı fenniye ile ispat olunuyorsa da burası fenn-i tabakatü’l arza ait bir mesele bulunduğundan filhakika fenn-i mezkur ziraatın muavinlerinden biri ise de silk-i müttehazımıza göre burada uzun uzadıya ondan bahs olunamayacağı bedihidir.

(…)

“Berlin Sergisi”

Sergiler Avrupa’da birbirini veli ediyor. Macaristan’ın bininci sene-i devriye-i teşekkülü münasebetiyle Peşte’de ve geçen mayıs iptidasında dahi Berlin’de birer sergi tesis olunmuş ve Peşte’de temaşa-yı bedaiye başlayan nazarlar biraz sonra Berlin’e geçerek orada ikmal-i seyran eylemekte bulunmuştur. Geçenki nüshalarımızdan birinin kısm-ı siyasisinde yazıldığı üzere Berlin Sergisinin hin-i küşadında müteveffa İmparator I. Vilhelm [Friedrich Wilhelm] namına yapılan heykelin resm-i küşadı dahi icra edilmiştir.

(…)

“1900 Sergisi İnşaat Müdür-i Umumisi Mösyö Buvar”

Mösyö Buvar Fransa’nın meşahir-i mühendisinindendir. 1889 sergisinde Mösyö Alfan ile birlikte devm-i santralin ve daha bazı dairelerin inşaatına nezaret etmiş ve gösterdiği asar-ı ehliyet ve iktidara mebni bu defa 1900 sergisi inşaat müdür-i umumiliğine intihap ve tayin edilmiştir.

(…)