“Zihni Paşa Hazretleri”
Ba-irade-i seniyye-i hazret-i hilafetpenahi bu defa teşkil buyrulmuş olan Memurin-i Mülkiye Komisyon-ı Ali’si riyasetine tayin buyrulan devletlü Zihni Paşa Hazretleri’nin bir kıta tasvirleri ile tezyin-i sahife-i mübahaat eyledik. Müşarunileyhin memuriyet-i cedide-i devletlerine müteallik tafsilat bu nüshamınızın kısm-ı siyasisinde münderiç bulunur.
“Hastane”
Kırkkilise’de yeni bir hastahane inşa olunmuştur.
Zükûr ve inas iki daireye münkasım ve kâmilen kâgir olan bu hastanenin zemin tabakası mahrukat ve eşya-yı sakile vaz ve idharına mahsus olup ikinci tabakası depo ve eczane ve muayene odası ile tabip ve müdür ve hademeye mahsus sekiz odayı ve üst katı elli yatak istiabına kafi dört koğuş ve bir salon ve diğer bir oda ile iki sofayı havidir.
(…)
“Madam La Baron Hirş [Baronnes de Hirsch]”
Rumeli Demiryolları muamelatında iştihar ve fevkalade kesb-i servet ve yesar eylemiş ve geçen sene vefat etmiş olan Baron Hirş’in [Maurice de Hirsch] bütün mamelekini zevcesine bırakmış olduğu malumdur. (…)
“Merhum Arif Hikmet Bey”
Kudüs-i Şerif maarif müdürü iken irtihal-i dar-ı beka eden merhum Arif Hikmet Bey, sülale-i tahire-i Hüseyniye’den ve Kudüs-i Şerif eşrafından merhum Musa Paşa’nın büyük mahdumu olup bin iki yüz yetmiş dört sene-i hicriyesinde Kudüs-i Şerif’te tevellüt etmiştir. (…)
– Dördüncü Cildin İtmamı-
İşbu eser-i cesim ve müfidin dördüncü cildi iki yüzüncü cüzde reşide-i hadd-i hitam olarak ahiren zinet-saz-ı alem-i matbuat olmuştur.
İnce yazı ile büyük kıtada 4000 sayfayı mütecaviz olduğu halde mah-be-mah birer mecidiye verilmek üzere bedeli 160 kuruştur.
(…)
Akdemce abone kayıt olunup da vakit ve zamanıyla taahüdatını ifa etmeyerek tekasit-i muayyeneleri hulul ve mürur etmiş ve bu cihetle matbaaya borçlu kalmış olanların, çıkan kitap ve formaları talep etmeğe hakları olamayacağı gibi evvelce vermiş oldukları mebaliğ dahi kendilerine ret ve iade edilmeyeceğinden bu misillülerin şerait-i muharrere ve mevzuası veçhile bir hafta zarfında Servet-i Fünûn matbaasına müracaatla tediye-i deyn ederek mevcut kitapları almaları lazımdır.
[Geçen nüshadan mabad ve hitam]