“Edirne’de Hamidiye Mekteb-i Feyz-meksebinin Resm-i Küşadı”

Tafsilat-ı atiye Edirne muhbirimizin mektub-ı mahsusundan istihraç edildi:

İnşaatı rehin-i hüsn-i hitam olarak cülus-ı hümayun-ı ruz-ı mesadet-efruzunda resm-i küşadı icra kılınmış olduğunu geçende işar ettiğim mekteb-i hamidiyenin bu mektubumla da inşaat ve taksimatına ait tafsilatını bildiriyorum. Mektep iki bin metre murabbai bir arsa üzerinde yapılmış ve inşaat bir seneden ziyade devam ederek -eski mektebin enkazı dahi istimal edildiği halde- masarif-i inşaiye sekiz bin dört yüz liraya baliğ olmuştur.

(…)

“Bedayi-i Fenniye”

Bu haftaki nüshamızı bedayi-i fenniyeye müteallik dört resimle tezyin eyliyoruz. Bunların her biri âlem-i fen ve sanatta layenkatı çalışan alimlerin, mühendislerin mahsul-ı gayret ve marifeti olarak asr-ı hazır-ı terakkide müşahede olunan ihtiraat ve keşfiyat-ı fenniyeye bir yeni zamime oluyor. Mesela bir tanesine atf-ı nazar eyliyoruz. Harik gibi bir afet-i hanman-suza karşı mürettep bir heyet-i itfaiye temaşa ediyoruz ki kuvve-i muharrikesi buhar ve elektriktir.

(…)

Bir Beratlı (yazar imzası)

Dersaadet 16 Eylül 1312

Ceride-i muteberelerinin geçen hafta zinetsaz-ı alem-i matbuat olan 289 numaralı nüshasında Berat’a ait birkaç resim görmüştüm. Resimler zararsızca olmuş, bir noksan varsa o da Berat’a ait olarak verilen tafsilatın pek muhtasar olmasından ibaret. Berat maskat-ı resimdir. Memleketim olan bir yere dair kariin-i kiramınıza biraz tafsilat vermeyi arzu ettiğimden zirdeki satırları yazdım.

(…)